Kumar Vishwas: Poem Collections -2

This is continued from Kumar Vishwas Poem Collections-1.

14.

koi khamosh hai itna, bahane bhool aaya hoon
kisi ki ek tarannum mein, tarane bhool aaya hoon
meri ab raah mat takna kabhi ae asmanon wale
main ek chidiya ki ankhon mein udanein bhool aaya hoon

15.

humare sher sunkar ke bhi jo  khamosh baithe hain
khuda jaane guroor-e-husn mein madhosh kitna hai
kisi pyaale se poocha hai surahi ne sabab may ka
jo khud behosh ho woh kya bataye ki hosh kitna hai

16.

mohabbat ek ehsaason ki pawan si kahani hai
kabhi kabira deewana tha kabhi meera deewani thi
yahan sab log kahte hain meri ankhon mein pani hai
jo tu samjhe to moti hai na samjhe to pani hai

17.

panahon mein jo aaya ho to us par vaar kya karna
jo dil hara hua ho us pe phir adhikar kya karna
mohabbat ka maza to doobne ki kashm kash mein ho
jo ho maloom gahrai ..to dariya paar kya karna

18.

basti basti ghor udaasi parvat parvat khalipan
man heera bemol lut gaya ..ghis ghis reeta tan chandan
is dharti se us ambar tak do hi cheez gazab ki hai
ek to tera bholapan hai ek mera deewanapan

19.

sab apne dil ke raja hain sabki koi rani hai
bhale prakashit ho na ho par sabki koi kahani hai
bahut saral hai pata lagana kis ne kitna dard saha
jiski jitni ankh hanse hai utni peer purani hai

20.

jiski dhun par duniya nache dil aisa ektara hai
Jo humko bhi pyara hai aur jo tumko bhi pyara hai
jhoom rahi hai sari duniya jab ki humare geeton par
tab kahti ho pyar hua hai kya ehsaan tumhara hai

21.

hazaaron raat ka jaaga hoon sona chahta hoon ab
tujhe milke main ye palkein bhigona chahta hoon ab
bahut dhoonda hai khud ko tujhme itna thak gaya hoon main
ki khud ko saunp kar tujhko main khona chahta hoon ab

22.
koi manzil nahi janchti safar accha nahi lagta
agar ghar laut bhi aaon to ghar aachha nahi lagta
karoon kuch bhi main ab duniya ko sab accha hi lagta hai
mujhe kuch bhi tumhare bin magar accha nahi lagta

23.
swayam se door ho tum bhi swayam se door hain hum bhi
bahut mash hoor ho tum bhi bahut mash hoor hain hum bhi
bade magroor ho tum bhi bade magroor hain hum bhi
atah majboor ho tum bhi atah majboor hain hum bhi

24.
ye dil barbaad karke isme kyun abaad rahte ho
koi kal kah raha tha tum illahabad rahte ho
ye kaisi shohratein mujhki ata kar di mere maula
main sab kuch bhool jata hoon magar tum yaad rahte ho

25.
pukare aankh mein chadkar to khoon ko khoon samajhta hai
andhera kisko kehte hain ye bas jugnoo samajhta hai
humein to chand taaron mein bhi tera roop dikhta hai
mohabbat mein numaish ko adaayein tu samajhta hai

26.
ki ye urdu bazm hai aur main to hindi maa ka zaaya hoon
zamane mulk ki behnein hain ye paigam laya hoon
mujhe duguni mohabbat se suno urdu zabaan walon
main apni maa ka beta hoon main ghar mausi ke aaya hoon

27.
koi kab tak mahaz soche koi kab tak mahaz gaaye
ilaahi kya ye mumkin hai ke kuch aisa bhi ho jaye
mera mehtaab uski raat ke aagosh mein pighle
mai us ki neend mein jagoon woh mujh me ghul ke so jaye

28.
tumhi pe marta hai ye dil adavat kyun nahi karta
kai janmon se bandi hai bagawat kyun nahi karta
kabhi tum se thi jo wo hi shikayat hai zamane se
meri tarif karta hai mohabbat kyun nahi karta

29.
main jab bhi tez chalta hoon nazaare chooth jate hain
koi jab roop gadta hoon to sanche toot jate hain
main rota hoon to aakar log kandha thap-thapate hain
main hansta hoon to mujhse log aksar rooth jate hain

Well, these are my favorites of Kumar Vishwas poem. Among these, my all time fav is: koi deewana kahta hai, koi kal kah raha tha tum illahabad rahte ho, ek to tera bholapan hai ek mera deewanapan.., bhramar koi kumudini pe, koi pathar ki murat hai.. Infact, I love all of them :).

I love to watch his each & every concert, and kavi sammelan. I don’t think any youtube video on Dr Kumar Vishwas poems, is there.. i haven’t watched. His views on Hindi and the way he promotes Hindi are really commendable.

Advertisements

One thought on “Kumar Vishwas: Poem Collections -2

  1. Very beautiful lines.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s